valentine day par youaon ke liye sandesh ! माई - बाप के करनी !

    माई - बाप के करनी !
माई - बाप के करनी कभी न भुलाई ,
जे एके भुलि जाई ,कभी सुख न पाई।
सारा सुख त माई - बाप के अचरे बा ,
जहां माई - बाप नइखे ,सब खतरे बा।
जे समझी ,माई - बाप के ना रुलाई ,
माई - बाप के......... ......न भुलाई। १।
देश में रहीं या परदेशे हीं जाई ,
माई - बाप के यादि ,हर जगहे आई।
जीवनभर रउवां कतनों करीं कमाई ,
माई - बाप के कमी ,पुरा न हो पाई।
जे समझी ,माई - बाप के ना रुलाई ,
माई - बाप के......... ......न भुलाई। २।
माई - बाप के गोद में हीं जन्नत बा ,
ओकरे पास हीं प्यार भरल दौलत बा।
माई - बाप के सेवा से सबकुछ मिली ,
जे ओकरा के ठुकराई ,उ दुःख झेली।
जे समझी ,माई - बाप के ना रुलाई ,
माई - बाप के......... ......न भुलाई।३।

- Bharat mishra prachi, journlist jaipur

भूल गइल त्योहार

भूल गइल त्योहार

छूटल गांव ,भूल गइल त्योहार

ढ़ूंढ़त रहनी गांव जइसन प्यार,

छूटल गांव ,भूल गइल त्योहार।1।

चिउरा,दही,तिलवा,भुजा छूटल ,

छूट गइल सब हीत न्योतोहार ।

शहर में जहवां हम रहत बानी ,

ओहिजा बा सभी के मनमानी ।

तरस गइनी पावे खातिर प्यार ,

छूटल गांव ,भूल गइल त्योहार। 2 ।

सब शहर के बा एके कहानी ,

जहां शुद्ध नइखे हवा व पानी ।

हर दिन होते रहेला तकरार ,

छूटल गांव ,भूल गइल त्योहार।3 ।

अगल बगल के ना जाने कोई ,

मतलब के हीं वहां दोस्त होई ।

पड़ोस चिन्हें से करे इन्कार ,

छूटल गांव ,भूल गइल त्योहार। 4 ।

- भरत मिश्र प्राची, पत्रकार , जयपुर